ҮНДСЭН ХУУЛИА БАТАЛСАН ТҮҮХЭН ӨДӨР ШҮҮХИЙН ЗАХИРГААНЫ 77 АЖИЛТАН ТӨРИЙН ЖИНХЭНЭ АЛБАН ХААГЧИЙН ТАНГАРАГ ӨРГӨЛӨӨ
2026-01-13 | 81Монгол Улсын Ерөнхийлөгчийн 2024 оны 84 дүгээр зарлигаар батлагдсан "Төрийн жинхэнэ албан хаагчийн тангараг өргөх ёслолын журам"-ын дагуу төрийн албан хаагчдын тангараг өргүүлэх ёслолын арга хэмжээг Шүүхийн ерөнхий зөвлөлийн дэргэдэх Төрийн албаны салбар зөвлөлөөс өнөөдөр /2026.01.13/ зохион байгууллаа. Арга хэмжээг танхим болон цахимаар зохион байгуулж нийт шүүхийн Тамгын газрын 77 албан хаагч Төрийн жинхэнэ албан хаагчийн тангараг өргөлөө.
Тус шүүхээс шүүгчийн туслах Г.Дэлгэрмөрөн П.Цэрэндаваа нар тангараг өргөсөн юм.
Арга хэмжээг Шүүхийн захиргааны хүний нөөцийн газрын дарга Б.Оюуннасан нээсэн бол ШЕЗ-ийн дарга П.Золзаяа тангараг өргөсөн албан хаагчдад баяр хүргээд ажилд нь амжилт хүссэн юм.
Ардчилсан Үндсэн хуулиа баталсан түүхэн өдөр тангараг өргөж, төрийн жинхэнэ албан хаагч болж буй та бүхэндээ төрийн албанд тууштай, чин сэтгэлтэй, шударга ажиллаж, үнэ цэнтэй ажилтан байхыг хүсэн ерөөгөөд цаашдын ажилд нь амжилт хүсье!