СЭТГЭЛ ХӨДЛӨЛӨӨ УДИРДАХ ЧАДВАР ТАНД БАЙДАГ УУ?
2025-12-05 | 91Захиргааны хэргийн давж заалдах шатны шүүхийн Тамгын газрын дэргэдэх Ес зүйн зүйн дэд хорооноос ээлжит сургалт зохион байгуулав.
Сургалтыг Нийслэл дэх Захиргааны анхан шатны шүүхийн сэтгэл судлаач М.Шугархүү “Сэтгэл хөдлөлөө удирдах чадвар” сэдвийн хүрээнд удирдан явууллаа.
Ажлын стресс, итгэл үнэмшил, эрүүл мэндийн байдал болон эрч хүчгүй бие мах бодиос шалтгаалан хүнд айдас, санаа зовнил уур бухимдал үүсдэг аж.
Хүн уураа хянахын тулд өөрийгөө сайн таних, ажиглах, орчин нөхцөлийг мэдэрдэг байхаас эхэлдэг байна. Биологийн хүчин зүйлээс шалтгаалж түгших, айдастай байдлаас шалтгаалж хариу үйлдлийн түвшин, хэр удаан уур бухимдлаа өөрт болон бусдад хор хохирол учруулдаг байдлаас тайвшрах хугацаа хэр удаан үргэлжилж байгаа байдлаас шалтгаалдаг. Тиймээс уураа хүн өөрөө л удирдаж, ёс суртахуунтай байх нь чухал байна. Уур бухимдалтай байхыг энгийн аргаар мэдэж болдог гэнэ. Жишээ нь: шөнө унтахдаа биеэ чангалж, шүдээ зууж унтдаг, зүрх өвддөг гэх мэтээр илэрдэг байна. Уураа мэдрэх нь сайн чанар боловч түрэмгийлэл болгож болохгүй юм. Триггер.. гэдэг нь хүний уурыг хөдөлгөдөг унтраалга байдаг байна. Үүний тулд ажиллах таатай орчин нөхцөл, бие мах бодио амраах, уураа мэдэрсэн л бол зогс, тэгээд өөр зүйл анхаарлаа хэдхэн секунд төвлөрүүлж, SOS дасгалыг хийдэг байна.
Сургалтын төгсгөлд сэтгэл зүйн сонирхолтой тоглоом тоглож өөрийгөө таньж мэдэх талаар бусадтай сэтгэгдлээ хуваалцаж, харилцан санал солилцлоо.