ЁС ЗҮЙН ДЭД ХОРООНООС СУРГАЛТ ЗОХИОН БАЙГУУЛАВ
2025-09-05 | 163Тус шүүхийн Тамгын газрын Ёс зүйн дэд хорооноос 2025.09.05-ны өдөр албан хаагчдыг чадавхжуулах ажлын хүрээнд шинээр томилогдсон албан хаагчдад зориулсан чиглүүлэх сургалтыг зохион байгууллаа.
Батлагдсан төлөвлөгөөний хүрээнд болж буй ээлжит сургалтыг шүүхийн Тамгын газрын дэргэдэх Ёс зүйн дэд хорооны гишүүн, шүүгчийн туслах Б.Бадамсүрэн удирдаж, шүүхийн захиргааны албан хаагч нарт “Ёс суртахууны ойлголт, төрийн албан хаагчийн ёс зүйн хэм хэмжээ, ёс зүйн зөрчлөөс урьдчилан сэргийлэх нь” сэдвийн хүрээнд мэдээлэл өгсөн юм.
Сургалтаар төрийн албан хаагчийн баримтлах ёс зүйн хэм хэмжээг сахиулах, ёс зүйн зөрчлөөс хэрхэн урьдчилан сэргийлэх, төрийн албан хаагчийн ёс зүйн хууль тогтоомжийг сахин биелүүлэхэд онцгойлон анхаарч ажиллах талаар харилцан санал солилцов.
Энэхүү сургалтын зорилго нь Төрийн албан хаагчийн ёс зүйн ойлголт, Төрийн албан хаагчид ёс зүйн зөрчил гаргахгүй урьдчилан сэргийлэх ойлголт олгоход явдал юм.
Шинээр томилогдсон албан хаагчдадаа ажлын амжилт хүсье!