ШИНЭ АЛБАН ХААГЧДАД “ХЭРГИЙН ХӨДӨЛГӨӨНИЙ УДИРДЛАГЫН ЧИГЛЭЛЭЭР” СУРГАЛТ ЗОХИОН БАЙГУУЛЛАА
2025-08-13 | 135Захиргааны хэргийн давж заалдах шатны шүүхийн Тамгын газраас албан хаагчдыг чадавхжуулах ажлын хүрээнд сургалтын төлөвлөгөө баталж, хэрэгжилтийг ханган ажиллаж байгаа бөгөөд батлагдсан төлөвлөгөөний дагуу шинээр томилогдсон албан хаагчдад зориулсан чиглүүлэх сургалтыг зохион байгууллаа.
Сургалтыг хэргийн хөдөлгөөний хэлтсийн дарга Х.Гантулга удирдан явуулж, шүүх хуралдааны нарийн бичгийн дарга нарт “Захиргааны хэргийн хөдөлгөөний нийтлэг аргачлал”, Шүүх хуралдаанд оролцогчийг зайнаас буюу цахимаар оролцуулах ажлыг зохион байгуулах журам”, “Мэдээлэл технологийн үйл ажиллагааны нийтлэг журам” болон хэргийн хөдөлгөөний холбогдох журмууд, “Шүүх хуралдааны явцыг мэдээлэх цахим систем”-ийн ажиллагааны зааврыг өгч, шүүх хуралдааны явцад гардаг түгээмэл алдаа, анхаарах асуудлын талаар мэдээлэл өгч, харилцан ярилцаж, онол практик хосолсон үр дүнтэй сургалт боллоо.
