ШАГНАЛ ГАРДУУЛАВ
2025-08-01 | 282Тулгар төрийн 2234, Их Монгол Улс байгуулагдсаны 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ой, Үндэсний их баяр наадмыг тохиолдуулан шүүх, шүүхийн захиргааны байгууллагад олон жил үр бүтээлтэй ажилласан шүүгч, шүүхийн захиргааны шүүгч, шүүхийн захиргааны ажилтнууд шагнуулсан билээ.
Энэ үеэр Захиргааны хэргийн давж заалдах шатны шүүхийн Тамгын газрын үйлчлэгч Долгоржавын Алтантуул шагнагдсаныг Гүйцэтгэх нарийн бичгийн дарга Б.Эрдэнэтулга өнөөдөр /2025.08.01/ Шүүхийн ерөнхий зөвлөлийн ёслолын танхимд хүндэтгэлтэйгээр гардуулан өгөв.
Д.Алтантуул нь тус шүүхийн Тамгын газарт 6 дахь жилдээ ажиллаж байгаа бөгөөд эрхэлсэн ажил, салбартаа олон жил үр бүтээлтэй ажиллаж, төрийн бодлого, зорилт, чиг үүргийг хэрэгжүүлэх үйл хэрэгт үнэтэй хувь нэмэр оруулсныг үнэлэн Шүүхийн ерөнхий зөвлөлийн “Хүндэт жуух” бичгээр шагнасан юм.
Д.Алтантуулдаа хамт олных нь зүгээс халуун баяр хүргэж, цаашдынх нь ажил хөдөлмөрт өндөр амжилт хүсье.
