ЭНЭ УДААГИЙН ШҮҮХИЙН ТАМГЫН ГАЗРЫН ЭЭЛЖИТ ХУРАЛ ОНЦЛОГТОЙ БАЙЛАА
2025-07-21 | 300Төрийн албаны зөвлөлийн Шүүхийн Ерөнхий зөвлөлийн дэргэдэх салбар зөвлөлөөс Нийслэл болон 15 аймгийг хамруулсан Төрийн албаны тусгай шалгалтыг 2025 оны 06 дугаар сард зохион байгуулж, 172 иргэн өрсөлдсөн билээ.
Энэхүү сул орон тоо нөхөх сонгон шалгаруулалтаар эрэмблэгдэж Захиргааны хэргийн давж заалдах шатны шүүхийн Тамгын газрын удирдах болон гүйцэтгэх албан тушаалд томилогдсон шинэ албан хаагчдад Тамгын газрын дарга Д.Өнөржаргал “Талархал” гардууллаа. 
Тэрээр “Юуны өмнө манай хамт олны нандин зорилго, үнэт зүйлсийн нэг хэсэг болж буйд баяртай байна. Та бүхний чин сэтгэл, ирээдүйн манлайлал тань манай байгууллагын хөгжилд үнэтэй хувь нэмэр оруулж, цаашид ҮНЭ ЦЭНЭТЭЙ АЖИЛТАН болно гэдэгт итгэлтэй байна” гэв.
Мөн Шүүхийн ерөнхий зөвлөлийн Хэргийн хөдөлгөөний удирдлага, статистикийн газраас ирүүлсэн 2025 оны II улирлын Хэргийн хөдөлгөөний цахим хяналт-шинжилгээний дүн мэдээг танилцуулж, цаашид анхаарах асуудал, ажлын бүтээмжийг нэмэгдүүлэх чиглэлээр санал солилцон, чиглэл, зөвлөмж өгснөөр хурал өндөрлөв.
