Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
ХҮҮХДИЙН ЭРХИЙГ ХАМГААЛАХ ӨДРИЙГ ТЭМДЭГЛЭН ӨНГӨРҮҮЛЛЭЭ

ХҮҮХДИЙН ЭРХИЙГ ХАМГААЛАХ ӨДРИЙГ ТЭМДЭГЛЭН ӨНГӨРҮҮЛЛЭЭ

2023-05-27   |   Админ   |   371   |  

       Тус шүүхийн Тамгын газраас “2023 оны гүйцэтгэлийн төлөвлөгөө”, “Бүтээлч ажлын төлөвлөгөө”-д тусгасан ажлын хүрээнд “Миний гэр бүл” арга хэмжээг зохион байгууллаа.

      Уг арга хэмжээнд шүүхийн шүүгч, шүүхийн тамгын газрын захиргааны ажилчдын 0-16 насны хүүхдүүдийг хамруулж, шүүхийн үйл ажиллагаа, танхим, ажлын орчин нөхцөлөө танилцууллаа.  

       4-12 насны хүүхдүүдийн дунд АХА тэмцээн зохион байгуулахад ялагчаар Ундарга охин шалгарч, гарын бэлгээ гардан авлаа.

      Харин “Миний аав, ээжийн ажил” сэдэвт гар зургийн уралдааны шилдэг 3 зургийн эздээр Д.Ану-Үжин, У.Бархас, Э.Ану нар тодорлоо. Мөн тэдний өмнөх төсөөллийг яриуллаа.

Д.Ану-Үжин охин: Ээжийгээ шүүхэд ажилладаг гэдгийг л мэддэг болохоос ийм орчинд ажилладгийг мэддэггүй байсан. Энэ танхим үнэхээр сүрдмээр, сайхан юм. Би ээжээрээ бахархаж байна гэлээ.

      Хүүхдийн эрхийг хамгаалах өдрөө тэд аав, ээжийнхээ ажилтай танилцан хэзээ ч мартагдахгүйгээр, дүүрэн дурсамжтайгаар “Пороро” хүүхэлдэйн баатартай хамт дуулж, бүжиглэн, гэрэл зургаа татуулан нэг өдрийг хамтдаа хөгжилтэй өнгөрүүллээ.


ЗАХИРГААНЫ ХЭРГИЙН ДАВЖ ЗААЛДАХ ШАТНЫ  ШҮҮХИЙН ТАМГЫН ГАЗАР

2023 оны 05 дугаар сарын 27-ны өдөр