Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
БАЙГАЛИА НӨХӨН СЭРГЭЭХ, ХАМГААЛАХ ЗОРИЛГООР МОД ТАРИЛАА

БАЙГАЛИА НӨХӨН СЭРГЭЭХ, ХАМГААЛАХ ЗОРИЛГООР МОД ТАРИЛАА

2023-05-19   |   Админ   |   248   |  

     Жил бүрийн тав, аравдугаар сард “Бүх нийтээр мод тарих үндэсний өдөр”-өөр байгууллага, аж ахуйн нэгж, иргэд мод тарьдаг уламжлалтай.

     Энэ жилийн хувьд тус шүүхийн Тамгын газраас ШЕЗ-ийн 30 жилийн ойн арга хэмжээнд чиглэсэн “Бүтээлч ажлын төлөвлөгөө”-нд тусгасан ажлын хүрээнд хамт олноороо 2 дахь жилдээ уламжлал болгон “Бүх нийтийн мод тарих үндэсний өдөр”-ийг тэмдэглэлээ.

     Цаг агаарын хүндхэн нөхцөлд, цөлжсөн газар, элсэн шуурганд мод тариалах амаргүй ажлыг хамт олны эв нэгдэл, хамтын хүчээр хэрэгжүүлж чадлаа.

      Тус шүүхийн хамт олон нь “Бүтээлч ажлын төлөвлөгөө”-нд тусгасан ажлын хүрээнд Төв аймгийн Баянхангай сумын нутагт байрлах мод үржүүлгийн газар байгалиа нөхөн сэргээх, хамгаалах зорилгоор 2023 оны хаврын мод тарилтаар чацаргана, хайлаас нийлээд 200 гаруй суулгац мод тарихаас гадна өмнөх онд суулгасан суулгацууддаа усалгаа, арчилгаагаа хийлээ.


ЗАХИРГААНЫ ХЭРГИЙН ДАВЖ ЗААЛДАХ ШАТНЫ ШҮҮХИЙН ТАМГЫН ГАЗАР