Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
Стрессийг даван туулах дадал зуршил

Стрессийг даван туулах дадал зуршил

2023-10-27   |   Админ   |   504   |  

       Тус шүүхийн Тамгын газрын 2023 оны гүйцэтгэлийн төлөвлөгөө болон шүүхийн Тамгын газрын даргын 2023 оны А/03 дугаар тушаалаар баталсан “Ёс зүй”-н зөвлөлийн гүйцэтгэлийн төлөвлөгөөнд тусгасан ажлын хүрээнд “Стресс менежмент” сэдвээр сургалт зохион байгууллаа.

      Урилгаар Төрийн албаны зөвлөлийн Ёс зүйн хорооны орон тооны бус гишүүн, Хууль зүйн ухааны магистр, АШУҮИС-ийн багш, анагаах ухааны доктор, дэд профессор М.Цэрэнбат хүрэлцэн ирж, шинэлэг хэлбэрээр сургалтыг зохион байгууллаа.

      Сургалтаар албан хаагчдын стрессийн түвшин тогтоож, стрессийн эх үүсвэр, стрессээ удирдах ур чадварыг хэрхэн эзэмших талаарх  анхан шатны мэдлэг олголоо.

      Тэрээр сургалтын төгсгөлд “Хүн нэг л амьдарна. Энэ хугацаандаа ажлаасаа стресс авах биш, харин ч  ажлаасаа аз жаргалыг авч ажиллах нь чухал. Иймээс хувийн зохион байгуулалт, ажлын цагийн менежментийг сайжруулж, сөрөг хүнээс хол байж, “БИ” гээ таних нь хамгийн чухал” гэж хэлснээр сургалтаа төгсгөлөө. 


ЗАХИРГААНЫ ХЭРГИЙН ДАВЖ ЗААЛДАХ ШАТНЫ ШҮҮХИЙН ТАМГЫН ГАЗАР

2023 он