Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
Захиргааны хэргийн давж заалдах шатны шүүхийн тамгын газрын 2021 оны хагас жилийн тайлангийн хурал болж өндөрлөлөө

Захиргааны хэргийн давж заалдах шатны шүүхийн тамгын газрын 2021 оны хагас жилийн тайлангийн хурал болж өндөрлөлөө

2021-07-01   |   Админ   |  

     Захиргааны хэргийн давж заалдах шатны шүүхийн Тамгын газраас 2021 оны 07 дугаар сарын 01-ний өдөр Шүүхийн тамгын газрын үйл ажиллагааны нийтлэг журмын 12 дугаар зүйлийн 12.3 дахь хэсэгт заасны дагуу 2021 оны хагас жилийн Шүүн таслах ажиллагааны мэдээ, Тамгын газрын үйл ажиллагааны тайлан танилцуулах хурал боллоо.

     Тайлангийн хуралд Ерөнхий шүүгч, шүүгчид, Тамгын газрын мэргэжилтнүүд, шүүхийн захиргааны ажилтнууд оролцлоо. Тамгын газрын 2021 оны хагас жилийн тайлан, Шүүн таслах ажиллагааны мэдээг Тамгын газрын даргын албан үүргийг түр орлон гүйцэтгэгч Ө.Мөнх-Эрдэнэ танилцуулав.

     Танилцуулгын дараа Ерөнхий шүүгч Д.Батбаатар Тамгын газраас 2021 онд хийж хэрэгжүүлсэн ажил болон шүүн таслах ажиллагааны талаар цаашид анхаарч ажиллавал зохих асуудлуудын талаар танилцуулсан бол шүүгч ажилтнуудын зүгээс Тамгын газрын үйл ажиллагааг хангалттай ажиллаж байгаа гэж дүгнэсэн юм.


Захиргааны хэргийн давж заалдах шатны шүүхийн Тамгын газар

2021.07.01