"Нээлттэй шүүх" танхим

Онлайн туслах

Та дээрх зурган дээр дарж мэдээлэл лавлагааны ажилтантай шууд холбогдон асууж тодруулах зүйлээ лавлана уу.

Магадлал

 

 ТӨВ АЙМГИЙН ЗАХИРГААНЫ  хэргийн шүүхэд

                                       

          Хариу мэдэгдэх тухай

 

Захиргааны хэргийн давж заалдах шатны шүүхээс 2012 оны 9 дүгээр сарын 26-наас 28-ны өдрүүдэд захиргааны хэргийн шүүхийн шүүгч, ажилтнуудад бүсчилсэн сургалтыг зохион байгуулсан.

 

Төвийн бүсийн сургалтын үеэр Төв аймгийн захиргааны хэргийн шүүхийн 2012 оны 6 дугаар сарын 05-ны өдрийн 08 дугаар шийдвэртэй, С.Батсүрэнгийн нэхэмжлэлтэй Төв аймгийн Баянчандмань сумын Засаг даргын Тамгын газарт холбогдох захиргааны хэргийн талаар тус шүүхийн шүүгчээс “хэрэгт авагдсан нотлох баримтыг хэрэгт авагдаагүй байна гэж дүгнэсэн” гэснийг давж заалдах шатны шүүхээс дахин нягтлан шалгаж, судалж үзээд доорх хариуг хүргүүлж байна.

Төв аймгийн Баянчандмань сумын Засаг даргын Тамгын газрын даргын 2012 оны 3 дугаар сарын 23-ны өдрийн 07 тоот тушаалаар С.Батсүрэнг “Төрийн жинхэнэ албан хаагчийн ёс зүй, өргөсөн тангарагаа зөрчиж, иргэдэд ноосны урамшуулал олгох мөнгийг эрх мэдэл, албан тушаалаа ашиглан хуурамч бичиг баримт үйлдэн, зарим иргэдэд илүү бичилт хийж олгосон, зарим иргэдэд ноосны урамшуулал огт олголгүй, 45 иргэнд урамшуулал олгосон байдлаар жагсаалтыг хуурамчаар үйлдэн тайлан гаргаж албан тушаалын бүрэн эрхээ хэтрүүлсэн” гэсэн үндэслэлээр үүрэгт ажлаас нь халсан байна.

Нэхэмжлэгч С.Батсүрэнг ажлаас халсан болон Төрийн албаны салбар зөвлөлийн дүгнэлтэд заасан үндэслэлүүд нь хэрэгт авагдсан нотлох баримтаар нотлогдоогүй тул давж заалдах шатны шүүхээс ажлаас халсан үндэслэл, хуурамч бичиг баримтыг хэн үйлдсэн, энэ асуудалд С.Батсүрэнгийн ямар оролцоо байгаа зэргийг шалгаж, холбогдох нотлох баримтыг бүрэн цуглуулж хэргийг шийдвэрлэх шаардлагатай гэж үзсэн байна.

Хавтаст хэргийн 112 дугаар талд “Төв аймгийн Засаг даргын дэргэдэх Цагдаагийн газрын 2012 оны 5 дугаар сарын 10-ны өдрийн 28-03/669 тоот албан бичиг авагдсан ба уг албан бичиг”-т С.Батсүрэн нь тус Цагдаагийн газрын Мөрдөн байцаах тасагт 201219000135 тоот хэрэгт гэрчээр байцаагдсан ба эрүүгийн 201219000165 тоот хэрэгт сэжигтнээр тооцогдон байцаагдаж байна” гэсэн байдаг.

Шүүх нэхэмжлэгч С.Батсүрэн нь эрүүгийн ямар хэрэгт сэжигтнээр тооцогдон шалгагдаж байгаа талаар тодруулж шалгаагүй, энэ талаарх нотлох баримт хэрэгт авагдаагүй байна. Төрийн албан хаагч эрүүгийн ямар хэрэгт сэжигтнээр татагдан шалгагдаж байгаа нь хэрэг хянан шийдвэрлэхэд ач холбогдолтой тул энэ байдлыг тодруулах шаардлагатай гэж үзсэн болно.

Иймд анхан шатны шүүхийн шүүгчийн “хэрэгт авагдсан нотлох баримтыг хэрэгт авагдаагүй гэж дүгнэсэн, шүүгч хэргээ сайтар судлаагүй” гэсэн тайлбар үндэслэлгүй болохыг дурдав.

 

Хувийг тус сургалтанд хамрагдсан захиргааны хэргийн шүүхүүдэд цахим хэлбэрээр хүргүүлэх.

 

Хүндэтгэсэн,

 

 

 

 

ЕРӨНХИЙ ШҮҮГЧ                               Ц.ЦОГТ

Цахим сан

Анхан шатны шүүхүүдэд

Шударга ёсны тунхаг

Youtube channel

888888888888888888ttttttttttttttttttt

Та манай шүүхийн талаар видео мэдээллийг энд дарж авна уу

Facebook

Манай хуудсанд зочлоорой.

Twitter

Twitter-т биднийг дагаарай.

Mozilla Firefox

Манай сайтыг алдаагүй зөв үзье гэвэл Mozilla Firefox тохиромжтой. Хэрвээ татаж авах бол дээрх зурган дээр дарна уу!

Зургийн цомог

Хайх

Сайтын хандалт

Өнөөдөр
Долоо хоногт
Энэ сард
Нийт
896
3015
39252
294154